Otsati Elkarteak deituta, Artziniegako Museo Etnografikoaren aldeko lehen batzar irekia egin zuten astelehenean museoan bertan eta bertaratu ziren herritarrek aho betez onartu zuten museoak martxan jarraitzea nahi dutela, «orain arte bezala herria aberastuz eta bizia emanez. Museoa hiltzen bada, herria hiltzen da». Hala, aurtengo aurrekontuetatik museora 78.000 euroko partida bidera dezala eskatu diote Artziniegako Udalari eta, aurrerapen gisa 29.000 euro bideratuko balitu, museoaren kudeatzaileek ateak zabaltzeko konpromisoa hartu dute (museoa itxita dago urtarrilaren 2tik).

Bihar elkarretaratzea egingo dute udaletxe aurrean, 19.30ean.