Espainiar bankuek ia 22 milioi euro ordaindu dituzte hipoteken isunetan

Kasik 22 milioi euro ordaindu dituzte espainiar Estatuko bankuek zazpi hilabete baino gutxiagoan Espainiako Bankuak ezarritako isunetan, hipotekekin lotutako irregulartasunengatik. Gehienetan bezeroari beharrezko dokumentazio guztia ez ematea edo behar ez ziren komisioak kobratzea izan dira arrazoiak. Batzuetan «oso larriak» izan dira arau hausteak. CaixaBankek 3,6 milioi ordaindu ditu eta Unicaja Bancok, 1,05. BMNri 900.000 euroko isuna ezarri diote, eta Bankiak ordaindu du entitatea barne hartu ondotik. Gainerakoek, adibidez Banco Santanderrek, urratze larriak egin dituzte.