BEGIRADA

Mexiko: tragedia neurrigabea

Azken egunotan, zenbait bilaketa taldek Tijuanako etxe bateko lorategian zortzi gorpu eta giza hezur ugari aurkitu dituzte, eta gehiago aurkituko dituztelakoan daude. 2006an Felipe Calderon presidenteak «narkotrafikoaren kontrako gerra» deiturikoa martxan jarri zuenetik, Mexikok Latinoamerikako desagertzeen krisi larriena bizi du, 79.000 desagertu baino gehiagorekin.