Kultura eragileekin elkarlanean, Euskarazko Kulturaren Kontseilua eratzea proposatu zion Estitxu Breñas EH Bilduko Gasteizko legebiltzarkideak Lakuako gobernuari, legez besteko proposamenaren bidez. Breñasek azaldu zuenez, Kontseilu horren oinarri-oinarrian «euskarazko kulturgintzako eragileekiko elkarlanak egon behar du, haiekin batera kultura politika horren diseinua eta abian jarri beharreko neurriak zehaztu ahal izateko». Hemendik ekainera bitartean euskarazko kultura politikaren oinarriak (prozedura, metodologia, epeak, baliabideak, aurrekontua...) aurkeztu ditzala, eta prozesu horretan zer eragilek parte hartuko duten argitu dezala eskatu zion Lakuari.