Mikel Ibargoien|2015/10/17 00:00
AINARA ELBUSTO

Ainara Elbusto da fixed modalitateko mundu mailako egungo espezialistarik onena. Txirrindulari nafarrak iragan urtean hartu zuen parte estreinakoz Reed Hook Crit txapelketan –ezustean–, eta dagoeneko bigarren aldiz jarraian irabazi du bertako sailkapen orokorra. Munduko hamaika txokotako aurkariak gainditu ditu.

E. Arruti|2015/10/10 00:00
Mai Egurza

Paper zuritik abiatuta, ametsen mundura joan-etorrian dabil Mai Egurza ilustratzailea azken denboran. Bere lehen lan garrantzitsua argitaratu berri du Zidrou gidoigilearekin elkarlanean: «El paseo de los sueños». Bada, bigarren lan bati ekin dio bikoteak segituan, aurrean aurkitzen dituzten paper zuriak koloreztatu eta bidaia berri bati ekinez.

Mikel Ibargoien|2015/10/03 00:00
Nekane Arzallus

Retabet.es GBCko presidentea da Nekane Arzallus. Duela bi hilabete hartu zuen kargua klubaren unerik gogorrenetariko batean eta ari da pixkanaka egoera bideratzen. Halere, emakumea eta presidentea dela da albistea askorentzat. Izan ere, ACBko talde bateko presidentea den bigarren emakumea besterik ez da. Lehenengoa Pepita Merce izan zen, 83-84 denboraldian CB L’Hospitalet gidatuta.

Ion Salgado|2015/09/26 00:00
ANA GISASOLA
Duela hamar urte postpolio sindromea diagnostikatu zioten Ana Gisasolari. Zumarragan jaiotako emakume honek aurrera egitea erabaki zuen, eta yoga irakaslea izateko formazioa jaso zuen. Ikasketak amaitzeko idatzi zuen tesia liburu gisa argitaratu zuen, eta orain, lan hori euskaraz argitaratzeko «crowdfunding» kanpaina abian jarri du.
Maider Eizmendi|2015/09/19 00:00
ENEKO GARMENDIA

Haurrentzat prestatzen diren jokoetan ohikoa da lokotx-biltzea; jolasetik harago, helduentzako txapelketak ere antolatzen dira eta horietan ezagun da jada Eneko Garmendia baliarraindarra. Gipuzkoako Txapelketako txapela zazpigarrenez jantzi zuen iragan astean eta, gaur, Euskal Herrialdeen Arteko Herri Kirol Txapelketan izango da.

Nagore Belastegi Martin|2015/09/12 00:00
IBAI LINACISORO

Gurasoek eskiatzea gustuko dute eta txikitatik pasatu zieten afizioa semeei. Izan ere, elurretara asteburu pasa joaten ziren maiz. Gaur egun, Ibai Linacisoro bere kategoriako Europa mailako lehenengo postuetara iristen da. Anaia Mikelek eskia eskaladagatik aldatu zuen. Bergararrak euskal kirolari bultzada handia ematen ari dira.

Ane Urkiri Ansola|2015/09/05 00:00
Eunate Arraiza

«Guztia da posible». Ez da iragarki baten lema, ez. Zailtasunez gaindi, gorengo mailan jokatzen duen futbolari baten hitzak dira. Eunate Arraizak entzumen arazoak ditu, baina traba hori ez da nahikoa izan bere ametsa betetzeko. San Mames zaharrean eta Anoetan jokatu du, eta Athleticekin Liga eta Kopa irabazteko zorian egon da.

Ane Urkiri Ansola|2015/08/15 00:00
Muniozguren anaiak

Muniozguren anaiek kaleko bizimodutik baserrirako bidea egin zuten duela bost urte. Lana utzi eta proiektu berri batean murgiltzea otu zitzaien. Betidanik buruan bueltaka ibili duten hori martxan jarri zuten. Ahuntz esnearekin gazta ekoizten hasi ziren Urregarai mendiaren (Santa Eufemia) hegalean. Larruz deitura jarri diete beren produktuei.

@GARA_rpascual|2015/06/27 00:00
Ibon Larrinaga

Futbolean aritu zela sufritutako lesio larri batek ireki zion boxeoaren mundurako atea Ibon Larrinagari, eta orain, profesionaletarako jauzia egiteko asmoa du. Gazte getxoztar honen profila ez da ring batean ukabilkadaka dabilen norbaitekin berehalakoan lotuko genukeena, kirol ibilbidea Zientzia Politikoetako ikasketekin uztartzen baitu.

Jon GARMENDIA|2015/06/20 00:35
Ellande Alfaro

Sarako Urtxola bentan egiten du lan Ellande Alfarok, sarrera Lapurdin eta irteera Nafarroan duen etxe batean. Pilotari izatetik pilotak egitera pasatu da Alfaro eta horretarako sortu du Eskutik izeneko enpresa. Jeannot Lukugarai pilota egile beteranoak erakutsi dio bidea; lana, abildadea, ahalegina eta berriz lana, horiek dira bide horren jarraibideak.

Orria 16/ 19