Amagoia Bilbao

Labean erretako legatza otarrainxkekin

(GETTY IMAGES)
(GETTY IMAGES)

LEHENENGO ERA
Osagaiak 4 lagunentzat
250 g-ko 4 legatz xerra, 2 baratxuri ale, 300 g otarrainxka, perrexila, olioa, gatza.

Zailtasuna                        2              

1.  Otarrainxkak zuritu eta ba-rruan daukaten hari beltza kendu.
2. Azpil bat olioz igurtzi eta legatz xerrak jarri. Gainetik gatza eta olio pixka bat bota.
3. Labe beroan sartu, 200ºC-an, 8-10 minutuz.
4. Zartagin batean txikitutako baratxuriak olio zurrusta batekin erregosi.
5. Zatitutako otarrainxkak gehitu eta arin erregosi. Txikitutako perrexila bota.
Plateretan legatza jarri eta gainetik otarrainxkak bota.

BIGARREN ERA
Osagaiak 4 lagunentzat
250 g-ko 4 legatz xerra, tipula erdia, 300 g otarrainxka, koñaka, olioa, gatza.

Zailtasuna                             2

1. Zuritu otarrainxkak eta buruak kendu.
2. Txikitutako tipula olio pixka batekin erregosi.
3. Buruak eta koñaka pixka bat bota eta arin erregosi. Urarekin estali eta 10 minutuz egosi. Irabigailuarekin nahasi eta txanotik pasatu.
4. Azpil bat olioz igurtzi eta legatz xerrak jarri. Gatza bota.
5. Labe beroan sartu, 190ºC-an, 8-10 minutuz.
6. Zartagin batean olio pixka bat berotu eta otarrainxkak erregosi.
Plateretan legatza jarri eta gainetik saltsa eta otarrainxkak bota.