Ernai gazte antolakundeak ikasturte berriari ekiteko jardunaldi berriak antolatu ditu. Azaroaren 10ean eta 11n ospatuko dituzte Gasteizko campusean. Oraindik xehetasun gehiagorik zabaldu ez duten arren, gazteek iragarri dute unibertsitate ereduaren, hezkuntza eta burujabetzaren arteko uztarketaren eta burujabetza prozesuen inguruko hitzaldi eta mahai-inguruek osatuko dutela egitaraua.

‘Ez gaude konforme!’ da burujabetza jardunaldien leloa. Horren baitan formakuntzarako, eztabaidarako eta aisialdirako aukera egongo da. Gainera, mobilizazio bat ere antolatuko dutela aurreratu dute.

Modu horretara, Ernaik hezkuntzaren eremuan eta, zehazki, unibertsitateetan, bere eskaintza eta proiektu politikoa zabaltzeko eta eztabaidatzeko aukera izango du Euskal Herritik bertaratutako gazte eta ikasle orok.