«Nahikoa da. Errespetatu txirrindulariak» lelopean mobilizazio hunkigarria burutu dute Usurbilen, aste honen hasieran errepidean istripuz hil zen azken txirrindulariaren omenez. Kamioi batek harrapatuta bere bizia galdu zuen Iñaki Pakea Ibarrako bizilagun eta Tolosaldea LHII-ko zuzendariak, 53 urte zituela.
Modu honetan, istripua gaitzetsi eta errepidean txirrindulariak errespetatzea exijitu dute, txirrinduz zein oinez eginiko manifestazioan. Minutu batzuz N-634 errepidea moztu dute, azken istripu hau eta beste hainbat gertatzen diren errepidea, hain zuzen ere.
❌#N634 ITXITA norantza bietan 3-4 Km en artean 12:00etatik 12:30etara #Usurbil-en kontzentrazioa dela eta.
— Trafiko (@trafikoaEJGV) March 8, 2025
➡️Desbideratzea seinaleztatua
❌#N634 CORTADA en ambos sentidos entre 12:00-12:30 Pks 3-4 #Usurbil por concentración
➡️Desvío señalizado
☎️011
#Informazioa #Trafikoa pic.twitter.com/SPljBjiyvU
Jende andana batu da, bai eta Usurbil eta Ibarrako udaletako ordezkariak ere. Pakea Realeko bazkide zen eta klub txuri-urdinak ere bat egin du aldarrikapenarekin.
⚫ El martes falleció Iñaki Pakea, socio Txuri Urdin que fue arrollado mientras circulaba en bicicleta. Nos unimos al dolor y trasladamos nuestro más sentido pésame a familiares y amigos, a la vez que reivindicamos el respeto hacia los ciclistas y su seguridad. Goian bego. https://t.co/mkNwPYS6JO
— Real Sociedad Fútbol (@RealSociedad) March 7, 2025
Hiru egunetan, bi istripu
Aste hasieran, astelehenean, 14.00ak jotzear zirela, gertatu zen istripua, Bizkarreko zubi ondoan. istripuz hil zen txirrindulari bat N-634 errepidean Bizkarreko zubi ondoan. Larrialdi zerbitzuak berehala bertaratu arren, ez zuten ezer egiterik izan. Ibarrako txirrindularia istripu lekuan bertan zendu zen. Ertzaintzak gertaera honen nondik norakoak argitzeko ikerketa abiarazi zuen berehala.
Hiru egun baino gutxiagoan txirrindulariek izan duten bigarren istripua izan zen honakoa. Urrutira joan gabe, aurreko asteko larunbatean, martxoaren 1ean, hiru pertsona zauritu ziren bi autok eta txirrindulari batek N-634 errepidean, Aia parean, izandako istripu batean.
Larrialdi zerbitzuek hiru pertsona artatu zituzten bertan, eta adingabe bat ospitalera eraman behar izan zuten, zauri larririk gabe.
Cita en Donostia para apelar a la comunidad internacional a frenar el genocidio de Israel
Desalojo de migrantes sin vivienda en Donostia tras el señalamiento del PP en redes
El presidente de Kutxabank contrapone educar en euskara y captar talento: «Es limitante»
Salvioli, exrelator de la ONU: «Es inaceptable lo que hace el Poder Judicial en este país»
