Zer dira Kataluniako CDRak?

Azken asteotan egin dituzten protesten harira asko eta oker idatzi eta esan da Kataluniako CDRen inguruan (Errepublikaren Defentsarako Komiteak, katalanez). Egiten dutena eta defendatzen dutena azaltzeko asmoz edo TV3ko FAQS programako zatitxo hau hedatu du euskal erabiltzaile batek Youtuben, euskarazko azpitituluekin. 

NAIZ+|2018/04/04 06:59
Loading player...

'Dumdumdigitala' erabiltzaileak sareratu du TV3 kateko FAQS programa ezaguneko 10 minutuko zati hau euskarazko azpitituluekin. Bartzelonako Sants auzoko CDRko kide batek azaltzen du zer diren Errepublikaren Defentsarako Komiteak deitutakoak. Urriaren 1aren bueltan nola sortu ziren eta beti ardatz 'En peu de pau' ekimenaren irizpideak dituztela gogoratuz (> 'Zer da En peu de pau?). 

Azken egunotan maiz ikusi dugu «kale borroka» hitza baliatuz hauen ekimenak kriminalizatzeko saiakera. Gurean ere zalaparta sortu du hitz elkartzeak, Kataluniarako baliatzean Euskal Herriaren inguruko kriminalizazioa berriz ere mahai gainean jartzen duelakoan. Sants-eko CDRko kideak azaldu zien ikusentzuleei programa honetan «kalean egiten den borroka» esan nahi duela, gazteleraz itzulpenik egin gabe baliatu ohi dira hitz hauek eta azalpen gisa. 

Hariari tiraka hartu zuten hitza Pilar Rahola eta Quico Salles kazetariek ere, Euskal Herrirako baliatutako kriminalizazio eredu bera ari direla aplikatzen Katalunian azalduz. 

> REPORTAJE: CDR: «TOT EL PODER DEL POBLE»  

Astelehenean jakinarazi zuen Espainiako Auzitegi Nazionaleko Fiskaltzak «CDRak jomugan» dituela.

Ekimen ugari ari dira egiten azken asteotan CDRak. Udaberriko oporren amaieran autobidetako ordainlekuak libre utzi dituzte, adibidez:

ERLAZIONATUTAKO ALBISTEAK