Ikurriña bat, Paris-Roubaix honen ibilbidean.
Txirrindulariak ezagutzea ere zaila gertatu da.
Ahalegin betean, tregoarik gabeko lasterketa luzean.
Pedersen, «pavé»ren gainean sufritzen.
Ur putzuak ibilbidean.
Antolakuntzako motorrak eta telebistakoak ere lurrean izan dira, ez soilik txirrindulariak.
Euria lagun 257 kilometrotan zehar, ia etengabe.
Banan-banan txirrindulariak. Gaurkoa ez zen tropelean ibiltzeko eguna.
Gurpil lodiagoak erabili dituzte gehienek.
Nahasmena sortu da une askotan, erorikoen ondorioz.
Ikusleak ere lokaztuta, baina gozatzen.
«Iparraldeko infernua», aurten infernuago
Itzela izan da Paris-Roubaix mitikoaren 118. edizioa. Aurten ez da udaberrian lehiatu, udazkenean baizik, eta egunean zehar eurijasa handiak izan direnez lokatza izan dute bidelagun txirrindulariek 257 kilometroetan zehar, zer esanik ez «pavé» beldugarriaren 54 kilometroetan. Ikuskizun ederra telebistaz jarraitu dutenentzat, benetako «iparraldeko infernua» kirolarientzat eta Colbrelli italiarrarentzat garaipena, ospea eta malkoak.
2021 URR. 03
