EH Bai, La France Insoumise, Etorkinekin Kolektiboa, Ongi Etorri Errefuxiatuak, CGT, LAB eta Sare Antifaxistako ehundik gora lagun mobilizatu dira otsailaren 16an Pausun. Gisa horretan, frantses eskuin muturreko Rassemblement National alderdiaren elkarretaratzea salatu nahi izan dute. Azken honek eskualdeko hauteskundeetarako kanpaina abiarazi nahi izan du migrazioaren kontrako mezua hedatuz.
Aldi oroz poliziak babesturik, tentsio uneak izan dira. Autoan sartu eta Baionara abiatu dira RNkoak, bertan prentsa aitzinekoa eman baitute Pascal Lesselier Baionako bozetan presentatu zen hautagaiak haiekin bat egin duela iragartzeko. Lapurdiko hiriburuan ere eskuin muturraren kontrakoak gibeletik izan dituzte, «Ongi etorri errefuxiatuak» ikurrekin bereziki.