Ligako 2013/14 denboraldiko lehen norgehiagokak abuztuaren 17-18 asteburuan jokatuko dira. Madrilen egin dute gaur Futbol Federazioaren egoitzan egutegi berrirako norgehiagoken zozketa.
Euskal taldeei dagokienez, Realak etxean abiatuko du denboraldia Getaferen aurka. Osasunak ere Sadarren jokatuko du estreinako partida. Aurrez-aurre izango du Granada.
Athleticek, bere aldetik, etxetik kanpo abiatuko du denboraldi berria, Valladoliden aurka.
Lehenengo derbia bigarren jardunaldian jokatuko da, Athletic eta Osasunaren artean, San Mames Barrian.
12. jardunaldian, azaroaren 2ko asteburuan helduko da bigarren derbia. Reala-Osasuna, Anoetan.
Hirugarrena, 2014ko urtarrilean jokatuko dute (4-5eko asteburuan) Realak eta Athleticek, Donostian.
Hemen gainontzeko norgehiagokak:
Bartzelona-Levante
Real Madril-Betis
Valentzia-Malaga
Sevilla-Atletico Madril
Celta-Espanyol
Almeria-Vilarreal
Rayo Vallecano-Elche