Aske dira Julen Etxaniz eta Arkaitz Landaberea zigorra beteta

Goizeko lehen orduan zigorra beteta aske utzi dituzte Julen Etxaniz eta Arkaiz Landaberea preso gipuzkoarrak. 2008an atxilotu zituzten biak eta hiru urte geroago zortzina urteko espetxe zigorra ezarri zieten. Torturak salatu zituzten inkomunikazio aldian.

NAIZ|13/12/2016|3 commentaires


Arkaitz Landaberea gaur aske geratu ostean. (@az_ernai)

2008ko abenduan atxilotu zituzten Pasai San Pedron Julen Etxaniz eta Donostian Arkaitz Landaberea, zigorra osorik beteta gaur berreskuratu dute askatasuna biek.

Guardia Zibilak egindako atxiloketen ostean torturatu egin zituztela salatu zuten gaur aske geratu diren biek. Guztira 321 euskal herritar atxilotu zituzten urte horretan polizia ezberdinek.

Aske geratu diren biak 2011ko maiatzean epaitu zituzten eta zortzina urteko espetxe zigorra ezarri zieten. Zigorra osorik beteta gaur irten dira kalera berriz Leongo Mansillatik Landaberea eta Castello II kartzelatik Etxaniz.


Julen Etxaniz, Castelló II espetxetik irten berri. (Etxerat)

LIENS

 

 

NAIZ
Loading player...


Koronabirusaren krisiak kaltetutako taldeei laguntza ekonomikoa eman eta euskal musikaren industria babestu eta kulturari egiten dion ekarpena balioan jarri nahi du NAIZ Kontzertuak ekimenak.

Elene CARRETO - FOKU
Loading player...


Konfinamenduaren erronketako bat da geure buruak eta gorputzak zaintzea. Bide horretan, NAIZek zumba saioak eskainiko ditu egunero, astelehenetik ostiralera, Elene Carreto dantzari durangarraren eskutik.