Behe kanpalekutik atera eta lehen kanpalekuan gau «benetan hotza» pasa ostean, eta ia lorik egin gabe «haize bortitza dela-eta», bigarren kanpalekura iritsi dira Alex Txikon eta bere taldea. «Pozarren» agertu da mendigoizale bizkaitarra sare sozialetan. Jakinarazi duenez, iaz bi egunetan egin zuen ibilbide hau, baina aurten jardunaldi bakarrean osatu du.
6.500 metrotan kokatu dute bigarren kanpaleku hau, hau da, iaz baino 150 metro gorago. Bertako lanekin amaitu ostean, beheranzko bidea hartu dute berriz ere, «Haize bortitzak markatutako jardunaldi gogor baten ondoren, behe kanpalekura itzuli gara, neka-neka eginda baina egindako lanarekin guztiz asebeteta».
¡Hoy hemos llegado al Campo 2 a 6500 m!
— Alex Txikon (@AlexTxikon) 15 de enero de 2018
•••
Today we have reached Camp 2 at 6500 m!
•••
Bigarren Kanpalekura iritsi gara, 6500 metrotara!
+INFO: https://t.co/BqeROcABkH#Everest #BaseCamp #TxikonGoesToTheEverest #winter #expedition pic.twitter.com/CwW8K8jiEY
Everest neguan eta oxigenorik gabe igotzen lehena izan nahi du Txikonek. Iazko saiakeran ez zuen lortu, baina ekinera itzuli da aurten. Urtarrilaren 3an iritsi zen behe kanpamentura Lemoako alpinista zortzi eguneko trekkinga egin eta gero.