Hasi eta buka, baloiaren jabetza Athleticek izan du eta, gainera, lehen ordu erdian kontrolpean eduki du partida, baina John Guidetti suediarrak egindako golak bi taldeen animoan eragin nabarmena izan du.
Talde gasteiztarra erosoago egon da, batez ere, partidaren bigarren zatian, eta bi gol gehiagorekin erabakita utzi du neurketa. Munir El Haddadik egin du bigarren gola, 60. minutuan, falta jaurtiketa batean. Hirugarrena Ibai Gomezek egin du, 77. minutuan, nahiz eta ez duen ospatu, talde bizkaitarrarekiko adeitasunez.
Bi minutu beranduago, 79.enean Muniainek distantziak laburtu ditu eta talde bizkaitarra amaierara arte saiatu den arren, Gasteizen geratu da garaipena.