Londreseko Ipsos Morik egindako inkestaren arabera, Eskoziako %58ak baiezkoa bozkatuko luke independentziaren inguruko erreferendum berri batean. Erabakiak hartuta ez dutenak kentzerakoan, eskoziarren %42ak batasunean jarraitzearen alde egin du.
Erabaki gabekoak barne, eskoziar gizartearen %55ek «Bai» bozkatuko luke, %39ak «Ez» eta %6ak ez daki zer egingo duen. Hau da independentismoak inoiz jaso duen babes zabalena. Zentzu horretan, azkar erantzun du Nicola Sturgeon premier eskoziarrak: «Ez naiz inoiz ziurrago egon Eskozia independente izango dela esateko».
Ipsos Moriko zuzendari nagusi Ben Pagerk ere galdera bota du. «Erresuma Batuaren amaiera ote da hau?» Galdeketa urriak 2 eta 9 artean egin zuten.
The end of the UK? Highest EVER recorded support for independence in Scotland (58%) pic.twitter.com/7Cengc1pfD
— Ben Page, Ipsos MORI (@benatipsosmori) October 14, 2020
Era berean, parte hartu duten eskoziarren bi herenek (%64) esan du maiatzeko hauteskundeetan SNPk gehiengoa irabaziko balu Erresuma Batuko Gobernuak hurrengo independentziarako bigarren erreferenduma onartu beharko lukeela hurrengo bost urteetan.
Ekonomia, ardatz
Independentziarako bidean, Brexita eta koronabirusa dira eztabaidagai irletan. Eta guztiaren gainetik ekonomia kokatzen dute eskoziarrek, bai Europar Batasunetik irtetean, bain osasun krisiak horretan duen eragina nabarmena izanik. Izan ere, Survationek egindako beste inkesta baten arabera, herritarren %75ak babestuko luke independentzia horrek ekonomia hobetuko balu.
De la victoria de EH Bildu en Eibar al empate de Laudio, pinceladas de una noche histórica
¿Qué sabemos de Pradales? Nada Urkullu, algo Ibarretxe y muy Imaz
Una izquierda confederal unida hubiera impedido la mayoría PNV-PSE
Abenduaren 21erako bigarren kontzertu bat iragarri du Muguruzak, lehenerako sarrerak agortuta
