Euskal jaiak dituzte berehala Zarautzen eta horiei begira dantza ikastaro birtuala hedatu du herriko Ernaik. Abiapuntuan Fandangoa jarri zuten (ikusi hemen), bigarrenak Arin-arina behar zuen noski! Kalejirarako ikasi beharrik ez duzue, ala?

Ernairen mezua: «Aupa gazte! Badator berriz ere Zarauzko Euskal Jaia. Hamaika urtetako zapalkuntzari aurre egin dio Euskal Herriak, eta horretan dirau oraindik ere. Irailaren 9an, euskal kulturak bilduko du herria aurten ere. Plazara aterako da euskal herria, eta, besteak beste, dantzan adieraziko du bizitzeko grina, aske izateko nahia.  Izan zu ere festaren parte, herriaren parte. Utzi lotsak etxean, eta ekin jaiaren eta borrokaren dantzari. Dantzatzen duen herria ez baita inoiz hilko! #HERRIA EKINEZ!»