0 commentaires

Meme festa sarean, Zarauzko Euskaraz Bizi egunaren atarian

Meme festa sarean, Zarauzko Euskaraz Bizi egunaren atarian

Euskaraz Bizi eguna ospatuko dute bihar Zarautzen. 10. urtez ospatuko dute eta «Hamaika egitera goaz» izango du lelo aurtengo edizioak. Urtero legez, Euskal Jai eguna baino astebete lehenago ospatuko dute eguna eta ohi bezala, herri bazkaria izango da eguneko ekitaldi nagusia. XXI. herri lasterketa jokatuko dute bazkaria aurretik. Bazkalostean, ostera, Sakatu elektrotxarangak jarriko ditu parte-hartzaileak dantzan.

Kaleak eta plazak okupatuko dituzte bihar euskaraz bizitzeko eskubidea aldarri, haatik, aurrez, sare sozialen plazan euren lekutxoa egin asmoz, meme lehiaketa sustatu du Zarauzko Euskal Herrian Euskaraz-ek.

Bere Twitter kontuan hamarnaka bildu dituzte #ZarauzKoLore #HamaikaEgiteraGoaz traolak erabilita. Guk hemen, horietako batzuk ipini ditugu ikusgai:

Lehiaketaz gainera, gogoetarako gonbita ere egin du egunotan Euskal Herrian Euskarazek. Soziolinguistika Klusterrak egindako azken azterketen datuekin arduratuta dago elkartea, datuak mantendu arren, gazteen artean euskararen erabilerak behera egin du. Datuak irauli nahian gogoetarako galdera plazaratu dute sareetan: Zer egingo zenuke Zarautz euskaldunagoa izateko? Erantzunak bildu eta bihar ospatuko den Euskaraz Bizi egunean emango dituzte aditzera.

/