Lan eta Gizarte Ekonomia Ministerio espainiarrak emandako datuen arabera, apirilaren amaieran 168.727 pertsona zeuden Hego Euskal Herriko enplegu bulegoetan izena emanda, aurreko hilabetean baino 3.781 gutxiago.
Hala, apirilaren amaieran 71.639 pertsona zeuden izena emanda Bizkaiko enplegu-bulegoetan, aurreko hilean baino 1.920 gutxiago (-%2,61). Gipuzkoan, 33.710 enplegu-eskatzaile daude erregistratuta, martxoan baino 854 gutxiago (-%2,47). Nafarroan 41.745 dira, 742 gutxiago (-%1,75), eta Araban, aldiz, 21.633, 265 gutxiago (-%1,21).
Orotara, Hego Euskal Herrian 87.606 kontratazio egin dira apirilean, horietatik gehienak (79.380) aldi baterakoak. Horrenbestez, 8.216 kontratazio baino ez dira mugagabeak izan, guztien %9,38.
Espainiako Estatuan, berriz, 39.012 langabe gutxiago zenbatu dituzte apirilean, 3.910.628. Martxoa eta apirila bitartean, ia 100.000 enplegu-eskatzaile gutxiago zenbatu dituzte Estatuan.
Urteko tasa, Nafarroan soilik gora
Azken urtean (apiriletik apirilera), Nafarroan soilik hazi da langabezia erregistratua, 1.303 enplegu-eskatzaile gehiagorekin (%3,22).
Gainerako herrialdeei dagokienez, urteko jaitsiera %9,33koa izan da Gipuzkoan (-3.469), % 8,23koa Bizkaian (-6.442) eta % 7,56koa Araban (-1.770).
Pradales imputa falsamente a Sortu una acción de GKS, en víspera del debate de ETB-2
Rocían con un espray a Pradales en un ataque sin motivación política; hay un detenido
Preguntas y respuestas incómodas sobre la violencia
Las evasivas de Pradales en Osakidetza y el cambio cooperativo de Otxandiano marcan el debate
