Sukaldetik plazara dokumentalak Ipar Euskal Herriko emakumeen askapen mugimendua nolakoa izan zen eta zein garapen izan zuen erakusten du. Emaginek eta Bilgune Feministak elkarlanean egindako ikus-entzunezkoak garaiko belaunaldiei aitortza egin nahi die. Fokua Ipar Euskal Herrian ezarri du, ikusteko nola han sortu zen feminismoa eta hark ere eragin zuen gero Hegoaldean. Edurne Epelde egileak eman dizkigu xehetasunak.