Sarek antolatuta 650 tontor igo dira gaur Euskal Herrian, euskal presoen eskubideen alde. «Euskal jendartearen gehiengo bat konponbide bat eskatzen ari da euskal preosen egoerarentzat» eta, Sareren iritziz, gaurkoa horren eredu izan da. «Espetxe politika mugitzen ari da, baina urrats gehiago eman behar dira. Ez dugu salbuespenarekin edo urrunketarekin amaitu», gogorarazi dute.