Gipuzkoako ehungintzan hitzarmen berria izango dute

Hemeretzi greba egun eta urtebetez luzatu diren mobilizazioen ondoren, Gipuzkoako ehungintzaren sektoreak hitzarmen berria adostu du patronalarekin eta atzo sinatu zuten. Testuak 2010-2025 arteko indarraldia du eta, honenbestez, inflazioa aintzat hartuz, soldatak %14 eguneratuko dira.

ELAren arabera, «mobilizazioaren fruitua» da emaitza. Erdietsi den hitzarmena «historikotzat» jo dute, eta «pozik eta asebeteta» daude.

Prozesu berrien ondoriozko funtzioen eta zereginen gehikuntza aintzat hartuko du hitzarmenak, gehienak digitalizazioaren ondotik sortuak.

Gainera, igandeak eta jaiegunak atseden egun gisa bermatuko dira. «Orduak finkatzeko klausula bat ere gehitu» dute, eta, ELAk dioenez, «gehiegizko partzialtasuna» konponduko da eta eremu funtzionala zabalduko da.