Amerika itzalpean utzi duen eklipsea

Lurraren eta Eguzkiaren artean jarri zen atzo Ilargia, 310 minutuz, eta erabateko eklipsea eragin zuen Ameriketako hainbat eta hainbat puntutan, hego-mendebaldetik hego-ekialdera: Mexikoko Mazatlan-etik Kanadako ekialdeko kostaraino, AEBetatik igarota. Zerua erabat ilundu zuen ikuskizuna izan zen -goizetik eguerdira arte luzatu zena, Euskal Herrian ilunabarra zela-, tenperaturari eragiteraino (beheranzko joeran). Ikusmin itzela sortu zuen eklipseak kontinentean, eta NASAk zuzeneko emankizuna ere egin zuen bere web orrialdean.