Athleticek Riazorren irabazteko aukera galdu du (1-1)

Zuri-gorriak Deportivo baino hobeak izan dira, baina ez dute asmatu ate aurrean eta azkenean berdinketarekin konformatu behar izan dira. Are gehiago, hamar minuturen faltan Iturraspek bigarren txartel horia ikusi duenean. [Partidaren xehetasunak]

Athleticek aukera on bat galdu du Riazorren irabazteko. Joko aldetik ondo aritu dira, baina golak egitea falta izan zaie. Zazpi hilabeteren ondoren, Llorentek denboraldiko bigarren gola egin du lehen zatiaren bukaeran.

Talde zuri-gorriak aukera garbiak sortu ditu, baina Deportivo aurreratu da markagailuan. Athleticeko jokalariek baloi galdu dute areatik gertu eta Bruno Gamak jaurtiketa bikain batekin Iraizoz gainditu du.

Athleticen erantzuna jarraian iritsi da. Atsedenaldi aurretik Llorentek buruz berdintzea lortu baitu. Bigarren zatia antzekoa izan da. Zelaian agindu arren, bilbotarrek ez dute jakin bigarren gola egiten.

Hamar minuturen faltan Iturraspek bigarren txartel horia ikusi du. Taldea hamar jokalarirekin geratu dela ikusita, Bielsak zelairatu berria zen Aduriz aldatu du San Jose sartzkeo. Aurrelari donostiarra haserre irten da zelaitik. Azkenean, Athleticek berdinketa defendatzea lortu du.