Ur azpiko gazteluaren teilaturako beste pieza bat

Bermeotarrek itsasora bota dituzten teila mordoarekin jada behar adina pieza dituzte urpeko izakiek gaztelu dotore bat eraikitzeko. Ez dira kexatuko, behintzat, Idurre Bideguren alkateak jarritako ilusioaz. Madalen egunean ospatzen den tradizio honi mendez mende eutsi diote, eta herritarrak, nahiz eta atzo bezala aterkiaren beharra izan zuten, Izaro uhartera gerturatzen dira txalupetan Bermeoko itoginak noraino iristen diren argi uztera. Herrien arteko liskarrik ez dago, ordea, elantxobetarrak eta mundakarrak ere festara batzen baitira. Izaro irla Bermeorena da, baina, nori axola zaio hain giro ona sortzen denean?

Argazkia: Monika DEL VALLE | ARGAZKI PRESS