Aste beltza ehunka langilerentzat

Aste gogorra izaten ari da hau Euskal Herriko langileriarentzat. Zumaian 71 langile dituen Astilleros Balenciaga hartzekodunen konkurtsoan sartu da, Siemens Gamesak 216 behargini eragingo dien aldi baterako erregulazio espedientea adostu du sindikatuekin, eta Ezkirozko BSHren itxierak 655 langileri eta zeharka beste enpresa batzuetako 400 ingururi eragingo die. BSHrena den Gasteizko SDAk ere itxiko duela iragarri du, 55 langile kalean utzita. Egun gutxiko epean ehunka euskal langileren eta haien familien perspektibak ilundu dira.