Azkenean, katu sionistak Linekerri mingaina jan dio

Aurrerantzean, Gary Linekerrek BBCko futbol esatari izateari utziko dio. Lobby sionistak jokalari ohia begiz jota zuen, Palestinako genozidioa salatu duelako. Linekerrek akats bat egin zuen, ordea: antisemitatzat jo daitekeen mezu bat birtxiokatu zuen, arratoi baten irudiarekin. Bera sionismoaz ari zen, eta barkamena eskatu arren, kaleratu egin dute. Holokaustoari buruzko “Maus” maisu lanean Art Spiegelmanek juduak sagu gisa eta naziak katu gisa irudikatu zituen. Linekerrek garesti ordaindu du animaliz nahastea.