Goonietarrak gara!

Ziurrenik 80-90eko hamarkadan jaio eta hazi ginenontzat "The Goonies" da filmik ikoniko eta maitatuena; ez zen gazteentzako abentura hutsa izan, belaunaldi oso baten oroimenean iltzatuta geratu zen fenomenoa baizik.

Aurten, film magiko horrek 40 urte bete ditu, eta urteurren horren harira, zaharberritutako bertsio bat estreinatuko dute zinemetan. 1985ean jaio zen filma, eta adiskidetasunaren esentzia, abenturaren espiritua eta egunerokoaren barruan ohiz kanpokoa deskubritzeko zirrara harrapatzen jakin zuen. Garai hartako haur askorentzat lagun talde hark altxorraren bila egindako ibilbidea beren amets eta irudimenen isla bihurtu zen.

Pertsonaiak ez ziren heroi perfektuak, gazte arruntak baizik, benetako arazoak eta nortasun nabarmenak zituztenak, baina lotura hautsezin batez elkartuak. Tunel, mapa, tranpa eta aurkikuntza bakoitzak publikoari xuxurlatzen zion munduan oraindik ere bazirela sekretu magikoak, haurren bihotzak eta irudimenak bakarrik ulertzen dituzten horietakoak.

Urteen poderioz belaunaldiz belaunaldi transmititutako erritu bilakatu da: harekin hazi zirenek beren seme-alabei erakutsi diete, eta haiek aurrekoek sentitu zuten emozio berberaz hartu dute.

Bere ondareak oraindik ere pizten du ezezagunaren atzetik abiatzeko desioa: “Goonies never say die” (Goonietarrek ez dute inoiz “hil” esaten).