Inude eta artzainak Donostiako kaleetan

Danborradari lekukoa hartuta, datozen egunetan kaldereroek alaituko dituzte Donostiako kaleak. Auzoz auzo ibiliko dira, besteak beste, aurten 25 urte bete dituen Artainu konpartsa eta 50. urteurrena ospatzen ari den Kresala. Datozen hiru asteburuetan kaldereroen 16 konpartsa ibiliko dira hiriko kaleetan. Konpartsa Tradizionalak Parte Zaharreko kaleak hartuko ditu hilaren 7ko eguna amaitzeko. 21.30ean hasiko du ibilbidea, 19 tributan banatutako 410 parte hartzailerekin. Ane Acha izango da erregina, eta Edurne Lertxundi eta Edurne Arregi, damak.