‘Downton Abbey’ behin betiko agurtuko da

DOWNTON ABBEY: THE GRAND FINALE (DOWNTON ABBEY: EL GRAN FINAL)
Birtainia Handia, 2025. 123’. Zuzend.: Simon Curtis. Gidoia: Julian Fellowes. Akt: Michelle Dockery, Hugh Bonneville, Paul Giamatti, Dominic West. Musika: John Lunn. Argazkia.: Ben Smithard.

Sei denboraldi arrakastatsu (2011-2015) eta 2019an eta 2022an unibertsoa zabaldu zuten bi filmen ondoren, ‘Downton Abbey’-k agur esango dio behin betiko. ‘Downton Abbey: The Grand Finale’ filmak itxiko du familia aristokratiko britainiar enblematiko honen istorioa. Simon Curtisen zuzendaritzapean eta Julian Fellowes nekaezinaren gidoiarekin, garai bati, bere pertsonaiei eta nostalgiaz kontatzeko arteari egindako omenaldi dotorea izango da.

‘Downton Abbey: A New Era’  (‘Una nueva era’, gazteleraz) filmaren jarraipena da. Atal berri honek 1930eko hamarkadako Ingalaterran kokatzen du istorioa, herrialdea etorkizunera begira dagoela. Crawley familiaren eta bere langileen bizitzak jarraituko ditu. Downton Abbey etorkizunera nola eramango duten erabakitzen duten bitartean, denek aldaketa onartu eta kapitulu berri bati ongietorria eman beharko diote. 

Estreinatu zenetik, ‘Downton Abbey’-k milioika ikusle liluratu ditu Ingalaterrako aristokraziaren eta etxeko langileen bizitzaren erretratuarekin, Titanic-en hondoratzearen eta gerraosteko gizarte-asalduraren oihartzunen artean. Sagak tradizioaren eta modernitatearen arteko oreka delikatua mantendu du, bere narratiba nagusia Crawley familian eta beraientzat lan egiten zutenengan zentratuz.