Disneyland Parisek Frozen hiriko sektore bat estreinatu eta bigarren parkea bikoiztuko du

Disneyland Parisek ‘Frozen’ frankizian oinarritutako sektore berri bat irekiko du martxoaren 29an, eta, horrekin batera, Walt Disney Studios jatorrizko parkearen ondoan dagoen bigarren jolas-parkearen espazioa bikoiztuko duen eraldaketa inauguratuko du. Disney Adventure World izango da.

Elsa eta Anna printzesak edo Olaf elurrezko panpina, besteak beste, World of Frozen izeneko eremuan aurkituko dituzte bisitariek. Gainera, adin guztientzako erakarpen berri bat izango du parkeak: filmetako abestiekin girotutako itsasontzi-paseoa.

Dekoratuek –Hans Christian Andersenen ipuin batean oinarritutako frankizia honen bereizgarri den Eskandinaviako tradizioa imitatuz– Arendelleko erresuma pintoreskoa irudikatuko dute, betiko neguaren madarikaziotik libre, baina 36 metroko altuera duen mendi elurtuaren oinetan kokatuta, erakarpen berria barnean ezkutatzen duena.

Gailurrean, bisitariek Elsako Izotz Jauregia ere ikusiko dute. Gainera, jatetxe eta denda eskaintza berri batekin batera, World of Fronzenek frankizia horretan oinarritutako lau ikuskizun ere proposatuko ditu egunero, protagonistak itsasontzietan sartuta.

Horrez gain, bisitariek pertsionaia berriekin topatuko dira parkean; izan ere, World of Frozen hirian ibiliko den Olaf ez da mozorrotutako ohiko gizakia izango, baizik eta azken belaunaldiko robota, modu independentean mugitzen dena eta filmetako elurrezko panpina komikoaren keinuak primeran imitatzen dituena.

Disney Adventure World izeneko bigarren parke bat

Baina World of Frozen, batez ere, parke honen historiaren kapitulu berri bat irekitzeko balioko du, gaur egungo Walt Disney Studios benetako bigarren parke bihurtuko duena, Disney Adventure World izenekoa.

Azalera bikoiztuko duen eskaintza berri honek Disneyland Paris ‘Europako helmuga turistiko liderra’ dela berresteko balioko du, Natacha Rafalski parkeko presidentearen esanetan. «2.000 milioi euroko inbertsio planak babestuta, zabalkuntzak ikuspegi sortzaile ausarta islatzen du», azpimarratu du Rafalskik.