Ikastetxe berean ikasi genuen, eta gogoan dut nire amak ezagutzen zuela garai hartan zendu zen bere ama. Egiari zor, berarekin harreman gutxi neukan, baina bere amaren heriotzaren berri izateak tristatu ninduen. Denboraren poderioz, norberak bere bidea hartu zuen harik eta 2022an lan bazkari batean berriro elkar ikusi arte. Kepa nire lankideekin joan nintzen jatetxeko zerbitzaria zen, eta han ikusteak poztu ninduen nolabait esatearren; profesional hutsa eta barre batekin lan egiten duen horietakoa zen. Handik 3 urtera, tamalez egiaztatu nezakeen barre hura itzalita zegoela: nire herriko kale batean ikusi nuen Kepa motxila batekin, zigarro-mutxikinik bilatu bitartean. Azkenaldian nire lanaren ondoko kalean egoten da eta lanera sartu aurretik behin baino gehiagotan ikusi ohi dut; gogoan dut irailean, lanean nengoelarik, pertsona bat hainbat poliziarekin berbetan zegoela behar baino altuago, Kepa zen. Atzo bertan lanetik atera nintzenean, anbulantzia bat eta poliziaren bi kotxe ikusteak atentzioa eman zidan; Kepa bost poliziaz inguratuta zegoen, eta honako esaldia errepikatzen zuen: «horrek ez dit laguntzen... horrek ez dit laguntzen...». Egia esanda, ez dakit zergatik esaten zuen hori gazte honek, baina seguru nago gure gaurko protagonistari lagun diezaioketela osasun mentala erdigunean jartzen duten politika sozialek −ah, eta polizia batekin nahiko...−. 

Zuen iritzi artikulu edo gutuna iritzia@gara.net helbidera bidal dezakezue, word formatuan edo beste formatu editagarri batean. Idatzian sinatzailearen izena, abizenak, telefonoa eta NAN zenbakia agertu behar dira. Iritzi artikuluak eta gutunak sinatzailearen izen-abizenekin argitaratuko dira. Egileak talde baten izenean sinatzen badu, sinatzailearen izenaren azpian taldearen izena agertuko da. NAIZ ez da iritzia sailean argitaratutako edukiez arduratzen.