Helburu bezala urrezko domina bazuen ere, brontzearekin itzuliko da Maider Unda borrokalaria Euskal Herrira. Bere azken Olinpiar Jokoak izan daitezkeen hauetan, beraz, sari potoloa lortu du.

Bikain hasi du eguna aramaioarrak. Final laurdenetan eta final erdietan ez du zailtasunik izan aurkariak mendean hartzeko. Final erdietan, ordea, urrezko domina gero eta gertuago zuenean, zilarrezko domina lortu duen Stanka Zlateva Hristovaren aurka galdu egin du.

Brontzearen aldeko borrokan, ordea, egoerari buelta eman eta aise gainditu du Vasilisa Marzalyuk bielorusiarra.

Natalia Vorobieva izan da txapelketako irabazlea.

Olinpiar Jokoen inguruko informazio guztia NAIZen webgune berezian jarraitu daiteke.