Emakumezkoen Lehen Mailan jokatzen duten euskal taldeek era guztietako emaitzak eskuratu dituzte asteburu honetan. Athleticek garaipena eskuratu du, 4 eta 0 Sevillaren aurka Lezaman, eta sailkapeneko lehen postuan jarraitzen dute.
Hiru puntutara daukate Atletico. Madrildarrek Reala hartu dute mendean beren zelaian (1-0).
Jardunaldiko albisterik pozgarriena aldiz, Lagunak taldeak lortutako berdinketa izan da. 19 jardunaldi behar izan dituzte lehen puntua eskuratzeko. Dagoeneko oso zaila daukate maila mantentzea, baina behintzat burua altxatzen hasteko aukera izan dute. Sailkapen nagusian beren aurretik duten Llanos Olivenza taldearen zelaian bana berdindu dute nafarrek.