Aiko taldea (Aiko Kultur Elkartea) sortu zeneko hogei urteak betetzen diren honetan, ‘Sakontzen (20 urte)’ mintegi-zikloa antolatu da Donostiako Victoria Eugenia Antzokiaren eskutik.

Hasteko, bost saio monografikoko programa antolatu dute, hilean behin, urtarriletik maiatzera, Victoria Eugenia antzokiaren dantza gelan. Hauek dira: Pandero integrala, urtarrilak 24 (larunbata, 17.00-20.00); ‘La jota de..., jotaren estandarizazioa, sorkuntza eta askatasunaren arteko tentsioa’, martxoak 1 (igandea, 10.00-13.00); ‘Dantzarako danbolina txistularien tradiziotik abiatuta’, martxoak 28 (larunbata, 17.00-20.00); ‘Muxikoak, jauziak, sauts, eguneratzea eta didaktika,’ apirilak 18 (larunbata, 17.00-20.00) eta ‘1-2-3 oinarrian erritmoaren garrantzia dantzarako’, maiatzak 24 (igandea, 10.00-13.00). 

Mintegi bakoitzak bere aparteko izen ematea eskatzen du. Bakoitzak 25 euroko prezioa du eta 18-30 bitarteko gazteontzat doan da. Izen ematea, online www.aiko.eus orrialdean egingo da.