‘Kaka’ antzezlana azaroaren 19an estreinatuko da Donostiako Antzoki Zaharrean, 19.30ean eta birari ekingo dio. Korrika-AEKren II. Sorkuntza Bekaren emaitza da.

Muntaia «ganberroa, jostaria zein probokatzailea» izango zela iragarri zuten 2024ko maiatzean, Korrikak bekaren irabazlearen berri eman zuenean. Lau pertsonaia dira Erika Olaizolak eta Xanti Agirrezabalak aktoreek Kepa Errastirekin ondutako lanaren protagonistak. Inork kakarik egiten ez duen garaian herriko plazan agertuko den kakamokordoa du abiapuntu. Olaizola eta Agirrezabalarekin batera Ainhoa Aierbe eta Mikel Laskurain igoko dira agertokira. Espe Lopezen zuzendaritzapean aritu dira lanean.

Korrika Kulturalaren barruan, azarotik 2026ko apirilera bitartean antzeztuko da, Euskal Herriko hainbat eszenatokitan.

Xehetasun gehiago webgunean.