Bilboko Arte Ederren museoko aretoetan ez ezik, ‘Paraleloak eta meridianoak’ erakusketak egoitza osagarri bat du Iberdrola Dorrean ere. Han, erakusketaren narratiba biribiltzen da, hainbat artistaren obrekin: Kenneth Noland, Darío Urzay, Cristina Iglesias, Txomin Badiola, Jesus Mari Lazkano, Juan de Sande, Javier Pérez eta Asier Mendizabal.

Horiek ezagutzera gonbidatzen ditu, maiatzaren 30etik aurrera, abuztuaren 29ra arte larunbatero egingo diren bisita gidatuetan. Merezi du. 

Larunbatetan, 11.00etan, 12.00etan eta 13.00etan. Doako sarrera, iritsiera-ordenaren arabera eta aurrez erreserbarik egin gabe. Informazio gehiago www.bilbaomuseoa.eus webgunean