Maiatzaren 23an izango da Burdina Astintzen heavy metal jaialdiaren bosgarren edizioa Donostiako Larratxo kultur etxean. Ordua: 20.00etan eta sarrerak (20 euro aurrez erosita; 23, lehiatilan) Donostia Kulturaren webgunean eskuratu daitezke. 

Jaialdiaren kartela Anestesia talde beteranoak –emanaldi gutxi emango ditu 2026an, eta horietako bat izango da Donostiakoa–, Kudai bandak –aurten emanaldi bakar hau eskaintzeko asmoa dute– eta Hortzak (Bizkaia-Araba, sludge metal) taldeak osatuko dute. Paul Urkijo Alijo zinemagilea (‘Gaua’, ‘Irati’...) da Hortzak taldearen abeslaria.