Bilboko Udaleko Bidebarrieta Kulturguneak ‘Hauspoa & Tunela’ dokumentalaren estreinaldia eskainiko du urtarrilaren 30ean, ostirala, 19.00etan. Proiekzioa Areto Nagusian egingo da eta Iñaki Pinedo eta Gorka Hermosa gidoilari eta zuzendariak bertaratuko dira lan honen xehetasunak azaltzera.

Haiekin batera, Toti Martínez de Lezea idazlea eta Kepa Junkera musikariar izango dira. Bertaratzeko gonbidapena erreserbatu behar da Bilbao Kulturaren webgunean.

Filmak pertsonaia handien testigantzak jasotzen ditu: Fermín Muguruza, Bernardo Atxaga, Kepa Junkera, Joseba Tapia, Jon Maia, Toti Martínez de Lezea, Garikoitz Mendizabal, Jon Plazaola, Joseba Apaolaza, eta, nola ez,oraindik ere jardunean den Zumarragako Trikitixako kideena.