Ura Bere Bidean 2020an sortutako proiektua da. 70eko hamarkadatik gaur egun arte euskal musikari eta artistei balioa eman nahi die hainbat ekimenen bidez, hala nola urrian Bizkaia Arenan egiten den urteroko kontzertuaren bidez. Bertan, musikari talde batek bertsio sinfonikoan interpretatzen ditu bere abestiak, Fernando Velazquezen zuzendaritzapean.

Araba izango da 2023tik aurrera Ura Bere Bidean proiektuaren egoitzetako bat. Ekitaldi berezia egingo da Buesa Arenan irailaren 23an. Arabako abesbatzek, parte hartu nahi duten Euskal Herriko abesbatza gonbidatuekin batera, Ura Bere Bidean abestien bertsio koralak estreinatuko dituzte, ikus-entzunezko ikuskizun berezi eta zirraragarri batean pop banda baten laguntzarekin.

Ura Bere Bidean Korala proiektuak Arabako Abesbatzen Elkartearen laguntza du, ekimen honen bidez abesbatzen zaletasunaren hazkundean laguntzen saiatuz eta ekimen interesgarria aurkitzen duten lurraldeko abesbatza guztientzat estimulu txiki bat izaten saiatuz.

Ura Bere Bidean Korala abesbatzentzako moldaketa guztiak Fernando Velazquez euskal konpositoreak egin ditu. Nerea Garmendia izango da zeremonia-maisua. Saioa, BECen urtero egiten den Ura Bere Bidean ohiko kontzertua bezala, Iñaki Irastorzak diseinatu du. Musika zuzendaria Alberto Saez Puente izango da.

Irailaren 23an, Buesa Arenan, 20 abesti inguru estreinatuko dira, bertsio koralean. Ekimen honen helburua da abesti modernoak ezagutaraztea, euskal koru-errepertorioa aberastea eta hautatutako abestiak eta taldeak sustraitzea, musika-ekoizpenaren gero eta bizkorrago eta globalizatuago dagoelako.

Fernando Velazquezek Ura Bere Bidean Korala programarako egokitutako partiturak pixkanaka gizarteratu eta zabalduko dira Euskadiko abesbatzen artean, betiere egileek eta argitaletxeek horretarako baimena ematen badute. Ekimena Fair Saturday fundazioak bultzatzen du.

Bi zati

Ikuskizuna bi zatitan egingo da. Lehenengoan, 19.00etatik aurrera, Idoia, ETS, Maren eta Gatiburen kontzertu akustikoez gozatu ahal izango da, eta bigarrenean, 20.30etik aurrera, Ura Bere Bidean iazko egitasmoko abestien bertsio koralak estreinatuko dira esklusiban. Estreinaldia pop banda baten eta 500 ahots arabar ingururen eskutik egingo da. Arabako 19 abesbatzak eta 3 ikastetxek hartuko dute parte, baita Bilboko Abesbatzak ere, Bizkaiko abesbatza gonbidatu gisa.

Sarrerak eskuragarri daude webgunean eta Buesa Arenako leihatilan, 17 eta 25 eurotan. Aurreikuspenen arabera, datozen egunetan agortuko dira sarrerak, eta 3.000 pertsona inguru bilduko dira irailaren 23an.