‘Zinema eta zientzia’ zikloaren bederatzigarren edizioak munduarekin dugun harremanean eragina izan duten gai zientifiko eta humanistiko garrantzitsu batzuk aztertzera gonbidatzen ditu ikus-entzuleak programak. Euskadiko Filmategiak, Donostia International Physics Center-ek (DIPC) eta Donostiako Zinemaldiak antolatuta, zikloa bere ohiko egoitzetara itzuli da Gasteizen (Artium Museoa), Donostian (Tabakalera Kultura Garaikidearen Nazioarteko Zentroa), Bilboko Arte Ederren Museoan (gaur egun EHUko Bizkaia Aretoa-Sala Mitxelena), Iruñean (Golem Baiona zineman) eta Donibane Lohitzunen (Cinéma Le Sélect). 

‘El planeta de los simios’ filmak eman dio abiapuntua zikloari, Juan José Gómez Cadenas DIPCko fisikari, idazle eta Ikerbasque irakasle ikertzaileak eta Pedro Miguel Etxenike DIPCko lehendakariak aurkeztuta. Donostian (hilak 9) eta Bilbon (hilak 10) izango da ikusgai. Emanaldiak martxoaren 28ra arte luzatuko dira. 

Sarrerak Tabakalerako, Artium, Bilboko Arte Ederren Museoko webguneetan eta leihatiletan, baita Le Sélect eta Golem-Baiona zinemenetan ere, eskuratu ahal izango dira. Sarrera bakoitzaren prezioa 3,50 eta 6 euro bitartekoa izango da, deskontuak kontuan izan gabe. Horrez gain, hitzaldia eta mahai-ingurua doakoak izango dira, eta sarrera librea izango da aretoa bete arte. Informazio guztia www.filmoteka.eus webgunean aurki daiteke.