Stanfordeko Unibertsitateak (Kalifornia, Estatu Batuak) ‘Ranking of the World Scientists: World´s Top 2% Scientists’ zerrenda argitaratu du. Zerrenda horretan munduan eragin handiena duten ikertzaileak sartzen dira. Euskal Herriko Unibertsitateko 81 zientzialari daude azken urte honetan gehien aipatu direnen artean, eta 59 ikertzaile 1996-2020 bitartean gehien aipatu direnen zerrendan ageri dira. 48 ikertzaile bi zerrendetan ageri dira.
Ranking honek 1996-2020 bitartean Scopus datu-basean jasotako informazioa du oinarrian, eta argitalpen zientifikoen inpaktuarekin lotutako zenbait parametro hartzen ditu kontuan: zenbat argitalpen, zenbat aldiz aipatu diren beste zientzialari batzuen lanetan, bai eta ikertzaileen lanen eraginaren beste adierazle batzuk eta aipatutako parametro guztiak konbinatzen dituen beste adierazle bat ere.
Bertan nabarmentzen diren EHUko ikertzaileek 37 jakintza-arlotan jarduten dute, eta horrek agerian uzten du zer dibertsitate eta aberastasun duen EHUn gauzatzen den ikerketak.
Euskal Herriko Unibertsitate publikoko errektore Eva Ferreirak adierazi duenez, «Standfordeko Unibertsitatetik albiste bikain bat izan dugu, ziurtatu baitute gure ikertzaileetatik ia ehun daudela nazioarteko zientzia-profesional onenen rankingean».
Rankinga Elsevier aldizkarian argitaratu zen, ‘August 2021 data-update for Updated science-wide author databases of standardized citation indicators’ izenburua daraman artikuluan, eta hauek izan dira egileak: John P. A. Ioannidis (Stanfordeko Unibertsitatea), Kevin W. Boyack (SciTech Strategies) eta Jeroen Baas (Research Intelligence, Elsevier B.V.). Sailkapenean 190.000 ikertzaile ageri dira, mundu osoko erakundeetan lanean ari diren ia 8 milioi ikertzaileren artetik.
Musique
Fermin Muguruzak 40 urteko ibilbidea berpiztuko du Bilbao Arenan eskainiko duen kontzertuan
Monde
Canarias encara la «mayor protesta de su historia» tras dispararse turismo masivo y vivienda
Musique
«Edonork errekonozimendu bat egiten badit, zigortu egiten dute»
Musique
Abenduaren 21erako bigarren kontzertu bat iragarri du Muguruzak, lehenerako sarrerak agortuta
Musique