Osagaiak 4 lagunentzat
350 g-ko 2 hegaluze xerra, irina, arrautza, oloa, gatza. Betegarria: 150 g tipula, 150 g piper berde, porru bat, 100 g perretxiko, 100 g tomate heldu, olioa, gatza. Krema: 100 g patata, tipula erdia, piper berde erdia, porru erdia, baratxuri ale bat, koilarakada bat tomate saltsa, olioa, gatza.

Zailtasuna                        3              

Hegaluzeari azala eta hezurrak kendu. Medailoiak atera, erditik moztu eta gatza bota.
Betegarria:
1. Zerrendatan moztutako tipula eta porrua olio pixka batekin erregosi, su eztitan.
2. Tiratan moztutako piperra eta perretxikoak gehitu eta erregosi.
3.  Tomateari azala eta haziak kendu eta txikitu. Barazkiekin batera jarri eta erregosi.
Krema:
1. Eltze batean hegaluzearen azala eta hezurrak urarekin 30 minutuz egosi.
2. Txikitutako tipula, porrua eta baratxuria olio pixka batekin erregosi, su oso eztitan.
3. Txikitutako piperra gehitu eta erregosi, su oso eztitan.
4. Tomatea eta zatitutako patata gehitu eta arin erregosi.
5. Saldarekin estali eta 20 minutuz egosi. Irabiagailuarekin nahasi eta gatza bota.
Bukatzeko:
1. Medailoiak betegarriarekin bete.
2. Irineztatu eta irabiatutako arrautzatik pasatu.
3. Zartagin batean olio ugari berotu eta arraina bi aldeetatik frijitu.
Plateretan krema jarri eta gainean hegaluze zati bina.