LEHENENGO ERA
Osagaiak 4 lagunentzat
300 g makarroi, tipula erdia, 2 baratxuri ale, 150 g ziazerba, 200 g perrretxiko, 80 g hirugihar, 100 g gazta birrindu, perrexila, piperzuri zuria, olioa, gatza.

Zailtasuna                       1               

1. Kazola batean ur ugari eta gatza irakiten jarri.
2. Ura irakiteko moduan dagoenean, makarroiak bota; noizean behin eragin.
3. Pasta eginda baina oraindik gogor samar dagoenean -al dente eran- atera eta xukatu. Ez busti ur hotzean.
Aldi berean honako hauek prestatu:
1. Eltze batean txikitutako tipula olio zurrusta batekin erregosi.
2. Txikitutako baratxuriak eta ziazerbak eta tiratan moztutako perretxikoak gehitu eta erregosi.
3. Txikitutako hirugiharra eta perrexila gehitu eta arin erregosi.
Makarroia eta gaztarekin nahastu.

BIGARREN ERA
Osagaiak 4 lagunentzat
300 g makarroi, 2 baratxuri ale, 250 g perretxiko, 150 g ziazerba, 200 ml esne-gain, 30 g gazta urdin, olioa, gatza.

Zailtasuna                        1               

1. Makarroiak aurreko errezetan esan dugun bezala egosi.
2. Txikitutako baratxuriak olio pixka batekin erregosi.
3. Txikitutako ziazerbak eta tiratan moztutako perretxikoak gehitu eta erregosi.
4.  Esne-gaina eta gazta gehitu eta minutu batez egosi.
Makarroiekin nahastu.