Abuztuko programazio osoa Bizkaiko Foru Aldundiaren web-orrian dago ikusgai, ordutegiei eta erreserbei buruzko informazioarekin batera. Honako hau da:

Muñatones gaztelua (Muskiz)

Erdi Aroko gotorleku hau ezagutzeko aukera egongo da, Bizkaiko lehen historialari Lope Gartzea Salazarren eta beste batzuen bizitzarekin batera, irailaren 7ra arte; igandeetan, 10:30 eta 12:30, eta asteazkenetan, 11:00etako bisita gidatuekin. Jai-zubietako larunbatean, abuztuaren 16an, gabia eta sutegi tradizionala martxan daudela olagizonek egiten zuten lanaren erakustaldia ere ikusi ahal izango da.

El Pobal Burdinola (Muskiz)

Asteartetik larunbatera egongo da zabalik, goiz eta arratsalde, igande eta jaiegunetan, 10:00etatik 14:00etara, bisita gidatuak egingo dira ordutik behin. Larunbatetan, burdina-lanketaren erakustaldi osoak eskainiko dira, 11:00, 12:00 eta 13:00etan. Abuztuaren 14an eta 21ean, ostegunetan, presatik errotarainoko ibilbide bat barne hartzen duen bisita tematikoa egingo da.

La Encartada Fabrika-Museoa (Balmaseda)

Hobekuntza obra batzuen ondoren harigintzako nabea berriro ireki da, eta jatorrizko makinak eta tresna mekaniko guztiak bere horretan kontserbatzen ditu. XIX. mendearen amaierako fabrika baten jatorrizko giroa aurkituko da museo honetan.

Arkeologi Museoa (Bilbo)

Arkeologiari eta Bizkaiko historiari buruzko tailer tematikoekin batera, ‘Martiodako erlikiak’ bezalako aldi baterako erakusketak, ‘Museoa aztarnaz aztarna’ programa, ‘Arkeologia egun batez’ izeneko familia-tailerrak igandeetan, eta Arkeouda izeneko hiri-koloniak haurrentzat, batik bat, eskainiko dira abuztuan zehar museo honetan.

Rekalde Aretoa (Bilbo)

Irailaren 28ra arte Juan Carlos Eguillorren ‘Laberinto’ erakusketa ikusteko aukera egongo da, marrazki, komiki, ilustrazio eta bideo ezberdinekin ia mila lan erakutsiz.

Ondare Aretoa (Bilbo)

Abuztuaren 30era arte ‘80 urte, 80 akuarela: argi eta ur bidaia’ Akuarelaren Nazioarteko Erakusketa egongo da ikusgai, euskal artisten eta nazioartean erreferente diren akuelarien 80 akuarela ikusteko aukera eskainiz.

Arrantzaleen Museoa (Bermeo)

Bizkaiko Batzar Nagusiek antolatu duten ‘Emakume zamaketariak. Ikusarazi beharreko lanbidea’ erakusketa eskaintzen du museoak. Galernaren gaineko bisita berezia ere eskainiko da abuztuaren 12an. 4 eta 10 urte bitarteko haurrentzako Arrain jokoak haur-tailerra egingo da abuztuaren 7an eta 8an euskaraz. Abuztuaren 28an eta 29an, ‘Literatura eta Nazioa’ EHUren udako ikastaroa emango da.

Omako Basoa (Kortezubi)

800 zuhaitz baino gehiagotan margotutako irudien eta 30 multzo geometriko baino gehiagok osatutako naturan egindako esku-hartze artistiko bat da Agustin Ibarrolak sortutako lan hau. Egunero bisitatu daiteke, eta larunbatetan bisita gidatuak eskaintzen dira. Erreserba egin behar da webgunean.

Txakolin Museoa-Txakolingunea (Bakio)

‘Zatoz Uribeko txakolinaren kolore aniztasuna ezagutzera’ esperientziaz gozatzeko aukera egongo da: bisita gidatua, hiru txakolinen dastaketa (zuria, gorria eta beltza) eta gilda bat.

Euskal Herria Museoa (Gernika-Lumo)

Irailaren 21era arte ‘Gamazada. Gure poltsikoaren jab’  erakusketa ikusi ahal izango da.