Italiak eta Espainiak jokatuko dute 2012ko Eurokopako finala. Italiarrek 2-1 irabazi diote alemaniarrei gaur jokatutako neurketan. Balotellik sartu ditu bi golak italiarrentzat. Ozilek egin du, ostera, bere taldearen gola, penaltiz.

Finala datorren igandean izango da, 20.45etatik aurrera.

C multzoan aurrez-aurre izan ziren bi taldeak eta partida hura banako emaitzarekin amaitu zen. Final estua espero da, beraz.