Espainiako emakumezkoen eskubaloi selekzioak Olinpiar Jokoetako sailkapen faseko azken partida irabazi du Norvegiaren aurka (25-20). Modu horretan, final laurdenetarako txartela lortu dute.

Nely Carla Alberto izan da euskal kirolarien artean hoberena, zortzi jaurtiketa egin eta hiru gol sartu baititu. Eli Pinedok, bere aldetik, bi gol sartu ditu. Patricia Elorza eta Andrea Barnok ez dute norvegiarren atea zulatzerik lortu.

Hurrengo partida Kroaziaren aurka jokatuko dute txapelketako final laurdenetan, datorren abuztuaren 7an.

Sartu NAIZen webgune berezian Olinpiar Jokoen inguruko informazioa jasotzeko.