Azken segunduan Frantziako selekzioak sartu duen gol baten ondorioz, Londresko Olinpiar Jokoak utzi beharrean aurkitu da Espainiako gizonezkoen eskubaloi selekzioa, non hiru euskal kirolarik jokatzen duten. 22-23 izan da neurketako azken emaitza.

Julen Aginagalde izan da euskaldunen artean gol gehien sartu dituen jokalaria, bost golekin. Eduardo Gurbindo eta Mikel Agirrezabalagak, aldiz, ez dute frantsesen atea zulatzerik izan.

Sailkatze fase irregular baten ondorioz, parekatze zaila tokatu zaio Espainiako selekzioari final laurdenetan eta, sailkatzear egon badira ere, azken segunduan sartutako gol batek etxera bidali ditu.

Olinpiar Jokoen inguruko informazio guztia jarraitzeko sartu NAIZen webgune berezian.