EH Bildu koalizioa osatzen duten indar politikoen ordezkaritza bat Logroñoko espetxera joango da gaurkoan, bertako zuzendariari eskutitz bat helarazteko asmoarekin.

Bertan, aurreko larunbatean Barakaldoko BECen buruturiko ekitaldi politikoan parte hartzeagatik Arnaldo Otegiri ezarritako komunikazioen etetea bertan behera uzteko eskatuko dute.

Era berean, bake eta normalizazio bidean euskal preso politikoen parte hartzearen garrantzia azpimarratuko dute.

Ondoren, adierazpenak egingo ditu Pernando Barrena ezker abertzaleko kideak.