Urte batzuen buruan Donostiako Atano III.ak txapelketako neurketa bat hartu du berriro ere. Titin III. eta Merino II. Xala eta Barriolaren aurka neurtu dira eta aurreko urteko txapeldunentzat izan da gaurko puntua (22-20).

Partida gogorra izan da, parekatua amaiera arte. Lau pilotariek maila handia erakutsi dute eta detaile txikiek erabaki dute neurketa.

Xala eta Barriola faborito izanagatik ere, txapeldunak direla erakutsi dute errioxarrek eta Merino II.aren partida handi bati esker irabaztea lortu dute, txapelketako lehen puntua lortuz modu horretan.

Xala eta Barriolak osatzen duen bikoteak jokatu dituen hiru norgehiagokatik bi irabazi ditu, sailkapenean ongi kokatuz.

Bihar jarraituko du Binakakoak Bilbon, Olaizola II-Zabala eta Berasaluze VIII-Albisu bikoteen arteko neurketarekin.